تعلمت...

تعلمت أسامح من كان بحقي خطّاي
لكن ما أقدر بيوم أرجع أكون له حبيبة

ترى خطاك سامحته لكن لا زال بحشاي
كل ما أشوفك يبعثر خاطري وترتيبه

تلاقينا يا الغلا صدفة على شربة شاي
ويومها قلت لي كم أنتي مني قريبة

خليتنا أحبك بدون ما أستشير الراي
واقول عنك رفيقي في الدنيا الغريبة

ما دريت إنك تخون وتبيع هواي
وتروح بعيد بحبي ويوم تشوفني تجيبه

وتبتسم بمكر وتقول لي هلا وهاي
وكل يوم تناديني بكلمة جديدة عجيبة

ويوم لقيت حبك قمت تقول لي باي
روحي بطريقك ما أبي منك تقريبة

كنت غلطان يوم فكرتك كل دنياي
تراني أريد أحافظ ع حبي لا تخريبه

أنا يا بنت في الحب لي ألف راي
ألف وادور على قلب أعذبه وأصيبه

وناظرني وقال ما غير السماح مُناي
سامحيني على جرحي لقلبك وتعذيبه

ناظرته وأنا ما أقدر أقف على رجلاي
وقلت انا سامحتك لكن أسمي لا تجيبه

وفي قلبي ظلت النار تلسع بحشاي
أشلون حبيتك وفكّرت حالي حبيبة

أنا قنعت بالنهاية دامها قدري وقضاي
ويتحرم علي درب هواك وألاعيبه

ولو جيتني بيوم وتكون تصرخ بكّاي
ما احن لك تراها تكون علي أكبر عيبة

وخرجت من دنياك وقفلت الباب وراي
وخاطري مكسور وقلب غزاه شيبه