اغاني الاعراس الفلسطينية التراثية

[size=24]اليوم جبتلكم اشي كتييييييييييير حلو

اغاني الاعراس زماااان ايام سيدي وستك واللي في منها هلا على شكل اغاني حديثة وهي كالاتي ::

الأهزوجة التراثية فى الأفراح اغاني الاعراس الفلسطينية التراثية YAY%20(2)

اغاني الاعراس الفلسطينية التراثية YAY%20(2)

1)عند خطوبة العروس

لا تقولوا يا أجاويد بعدّ المال انذلينا
دفعنا خمس آلاف وع الكراسي صفينا

لا تقولو يا أجاويد بعد المال فلّسنا
دفعنا خمس آلاف وع الكراسي جلسنا
******************

2)المهاهاة

هوي صلاة النبي على عروستنا
هوي زي القمر ضاوي حارتنا
هوي صلاة النبي على عروستنا
هوي احنا المزيونات والزين عادتن

هوي السمر و البيض لاقِنّا على المية
هوي السمر حواجبي و البيض عينية
هوي و السمر ترياق للي تقرصوا الحية
هوي و البيض فناجين لشرابين القهوة

هوي الطول طول الناقة و الشعر مثل الليل
هوي يا نايمين الضحا انتبهو بالليل
هوي العريس صاد الغزالة
هوي اللي عليها العين
*****************

3) يوم الحنة - ساعة الحمام

واخليلها الحمام يا عريس يا مرجان
من مبارح العصر حمامها مخلي
يام عين وعين يا هيه
يام عين وعين يا عروسة
من الشباب اثنين يا هيه من الشباب قتلتي
بعد الحمام
حلت جدايلها و الشمس ما طلعت
غاب المغيب الها و نص الشعر محلول

وقع مشطك في طشتي يا فلاحة
ابوكي راضي و اللانزيدو ملاحة

وقع مشطك في طشتي يا شلبية
ابوكي راضي ولا نزيدوا مية
***********************

4)عند اخذ العروس

قومي اطلعي قومي اطلعي ما يهمك
ع شروط ابوكي وعلى شروط عمك

قومي اطلعي قومي اطلعي من حالك
على شروط ابوكي وعلى شروط خالك

يخلف على ابو العروس يخلف عليه في الاول
طلبنا النسب منو اعطانا غزال مصور

في الطريق إلى بيت العريس
حيوا ابونا حيو ابونا
خيرين لا ترعبونا

من الشارع الضيق مرقنا
داخلين عليك يا سيد تحمي جملنا

يوم طلعنا ع الزفة رشينا العطر ع الطربوش
تستاهلها يا عريس و التاكسي ع باب الحوش

يوم طلعنا ع الزفة رشينا العطر ع العقال
تستاهلها يا عريس و التاكسي ع باب الدار

صلوا ع النبي يا للي في الشارع
صلوا ع النبي و العريس طالع
صلوا ع النبي يا للي ع البلكون
صلوا ع النبي على زفتنا اليوم
********************

5)السامر و الدبكة

يام الفريح و مبارك ما عملتيلو
جوخة جديدة وبنت اكرام جبتيلو

يا بنت عمي قتلني البرد غطيني
بين القلايد و جوة الصدر حطيني

جابولي الكِبِر قلت الثوب بيكفي
واجب على الرجل ان قال كلام يوفي
أغاني الشبابة
لدير الفرح و اغني عندك محمد و العقبة عندك
صاحب الدلعونة و اقف قدامك ياللي بتدلعن زبط كلامك
**********************

6)عند تقديم الغداءيوم العرس

على العيش على العيش يا مين كان جعان
جعان حود عندنا شبعان روح غاد
كرمال ابو العريس ابو محمد يا جاري
هلت علي العرب و الترك في داري

الله يحيي العرب و الترك لو نزلت
كرمال ابو محمد انا اللي اذبح واغديهم
كرمال ابو محمد انا الي افرش و احييهم

هذه بعض من الروائح الطيبة من عبق التراث الفلسطينى فى أفراحه ..... دامت ديارنا ودياكم بالأفراح[/size]

جد مشكووووووووووووووووووووووره اوراق الورد
على الموضوع الرائع

يسلموووووووو ع المرور
وعقبال ما يغنولك بعرسك
ااااااااااااااامين

اااااااااااااااااامين الله يسمع منك
وصدقيني غير او وحده بعزمك
وعد
مرسي

ان شاء الله

يسلمووو يا اوراق الورد على الموضوع الرائع
جد انا مرة ع مرة بسمعها باعراسنا الفلسطينية وبالقرى الفلسطينية

وحتى الهم رقصات معينة والتلويح بالشالات الملونة قمة بالروعه وتراث جميل لا ينسى

مبدعه دوما
الى الامام

يسلمووووو حبيبتي على مرورك ومداخلتك الطيبه
حلوه كتير هاي الاغاني بس علي يقدر يحفظها
هههههه
لك مني كل الشكر والود

ما في احلى من التراث الفلسطيني

بس للاسف شوي شوي بروح التراث
هسة في الاعراس دي جي بغني وبرقص لحالو هههههه

» المقلوبة الفلسطينية
» الالعاب الشعبية الفلسطينية
» الاهازيج الشعبية الفلسطينية
» قصيدة للبنت الفلسطينية
» اغاني عبدالكريم عبد القادر