مهاجمة شعبان عبد الحيم بسبب عمرو خالد

مهاجمة شعبان عبدالرحيم بسب .. عمروخالد!




خاص - بسبب قيام المطرب الشعبى شعبان عبدالرحيم بعمل أغنية عن مخاطر الادمان ضمن حملة حماية التى يتبناها

الداعية الإسلامى الكبيرعمرو خالد حاليا من خلال برنامجه الناجح -الجنه فى بيوتنا ..

ثارالجدل والهجوم علي الاثنين حيث ظهر من استنكر كيف يتم الجمع بين الاثنين في عمل واحد!..


و آخرون لاموا على عمرو في اختياره لشعبان عبدالرحيم ليكون مطرب الحملة

علي اساس ان شعبان لا يرقي لمستوى عمرو الادبى والثقافى والدينى

وانه خانه ذكائه والتوفيق فى الاستعانه بشعبان اااااايه!..





وعن هذا كله يقول شعبان: لقد حزنت بشدة مما سمعت من هجوم علي بسبب أغنية الادمان

اللى طلبها منى الاستاذ عمرو خالد .. واتهاجمت ليه.. انا ما أعرفش..و لا عشان ايه ..

الحقيقة مش عارف لها حل يعنى..!


ويضيف شعبولا: هو انا عملت حاجة غلط او حاجة وحشة لا سمح الله عشان الناس اللى هاجمتنى .. تهاجمنى،

الحملة دى بتوعي الناس وبتقول لهم طريق الادمان خطر ابعدوا عنه ..

كمان الاستاذ عمرو خالد رجل محبوب والناس كلها بتحبه .. وعشان كده انا استغربت قوى من اللى حصل ده..

كما انه في كل برامجه بيوعى الناس ومواضيعه كلها حلوة ومفيدة ..

بيتكلم فى الدين وعن أحاديث الرسول صلى الله عليه وسلم ..

وكمان بيتكلم اهه في حاجة جديدة ..

عن مخاطرالادمان في برنامجه الجديد الناجح قوى اللى انا حريص ان اشوفه ..

وعشان كده اول مابعت لى .. روحت علي طول..


ويواصل شعبان حديثه قائلا: عمرو خالد لو طلبني في اى حاجة مفيدة اخرى لن اتأخرعنه مهماحدث..

واللى يهاجمنى ايه يعنى هوحر.. فلقد صورت أغنية الادمان ضمن مشروع حملة حماية للاستاذ عمرو

علي يد المخرج هانى عبداللطيف من خلال فكرة حلوة ويظهر في الكليب الاستاذ عمرو

و هو يلقى محاضرة علي الناس.. والاغنية من كلمات حسن عزو و ألحان عبدالرحيم ابنى ..

و للعلم الاغنية كانت بتاعة ابنى و لما قابلت الاستاذ عمرو وسمعتها له..

عجبته جدا ولكنه قال لى انت اللى هتغنيها بصوتك وفعلا سجلتها و صورتها.