خلك بجنبي..!

تشتاق لي وتظن ماني لك أشتاق

والله يدري كم من الشوق فيني

أرقب قدومك وداخلي نار الأشواق

وأكبر دليل النوم ما زار عيني

أنا أشهد أن القلب في غيبتك ضاق

ولو الأمل لأقول ضاعت سنيني

لو شفت قلبي في محبتك كم ضاق

ما كنت لو لحظة تزود ونيني

بل يا شعور القلب لك طوع ينساق

وأسرع من إقدامي تسابق حنيني

قل يا عسى ما ينكتب بيننا إفراق

وقل يا عسى ما تذوق الدمع عيني

أنا الذي لك دايم الدوم مشتاق

حتى ولو شفتك بقى الشوق فيني

يا من ترك في خاطري لهفة الشوق

تشتاق لك عيني وقلبي لك أشتاق

أسمع صدى صوتك وأقوم وأفوق

شئ ملك روحي وشئ بالأعماق

غابت معك لحظاتنا اللي لها ذوق

ويغيب ليل بالهوى كان براق

أنا سعيد الحظ لو صرت جنبي

ياصاحبي روحي وفكري تمناك

من وين ما أروح أشوفك بدربي

ياليتني دايم على طول واياك

أرتاح بشوفك ويرتاح قلبي

أبيك تعرف أن لك صاحب بكل ما فيه يغليك

بكل ما عطاه ربي من أحاسيس يحتويك

روحه حياته حتى جروحه تفديك

لا تظن أنه في يوم يقدر ينساك

يبيك تذكره لا صارت الليالي تعاديك

وبدعي عسى الله لا يفرقنا


العنان

تشتاق لي وتظن ماني لك أشتاق

والله يدري كم من الشوق فيني

أرقب قدومك وداخلي نار الأشواق

وأكبر دليل النوم ما زار عيني

أنا أشهد أن القلب في غيبتك ضاق

ولو الأمل لأقول ضاعت سنيني


العنان

لون جديد من الشوق واللوعة

ابدعت

تحياتي لك

عاشق سواد العيون

والله كلمات بتجنن وبتخلي الواحد يحس احساس غريب
سلمت يداك وربي ما يحرمنا من كتاباتك