شوية مصطلحات فلسطنيه...

موضوع: شوية مصطلحات فلسطنيه... 31/10/2009, 8:50 pm

******//
****************************************

يختي = اسلوب نداء للمؤنث

يخو= اسلوب نداء للمذكر

مطعوج = من الفعل انطعج والمصدر تاعو انطعاج وهو الشء المعوج

ازعق عليه = نادي عليه

ضلك كاوي = ضلك ماشي على طول (نفس الطريق)

جلدة راسه خميله = عبيط او بفهمش بسرعه

رمزون = إشارة مرور ضوئية

كلنس = محارم

سطل = جردل = دلو

هواية = مروحة

بدكاش = ما بدك

شاكوش = مطرقة

فطبول = كرة قدم

طقية = قبعة

مستهلسكو = يعني مش معبركو

البيارة = المزرعة

ضاوي = فاقد = ما بفهم اشي

بشكير = منشفة اللي بنشف فيها وجهنا على الصبح

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز

الفرشوحه = يعني سندويش الشاورما بالغزاوي القح

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

نونة = يعني شوي

نتفة = اقل من شوية

على بلاطة = يعني من الآخر

شكشوكه = (اكله ) بندوره وبيض

معصلج = مزرجن = مش راضي أو بمعنى آخر راكب راسه

كنتين = كافتيريا المدرسة

الزغيرة = الزغنونة = صغيرة

جمطة = يعنى ما بتنبلع ما تنزل من زور

اجنص = لنج =جديد

مصورة = حنفية = صنبور

قاع الدار = الجزء الامامي للدار

قزاز = زجاج

سيرج = زيت الذرة

قداحة = ولاعة

بربيش = خرطوم المياة

لنش = سفينه صيد اسماك كبير

حسكة = سفينة صيد صغيرة

زمور = منبه السيارة

كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرمه = طحنه = خلاه زي الطحينه

فعص في بطن الشاب = خبطه في بطنه

شمر ارفع البنطلون او الجلبية = افكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برتقان = برتقال بس الواحد بيكون مستعجل

بوزك = وجهك

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ

الحين = هلأ

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته أو قطعه

يع = يعنى قرفان من اشى

تتزحلق = يعنى تندب دير بالك فى صابون على البلاط
الخوصة = السكين

شرشف = ملاية

جربان = شراب ( في الرجل بلبسوه)

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

سجرة = شجرة

اسكومية = يعني ايس كريم هههههههه ( الدلع)

الان = هلأ = هسا = الحين بالفلاحي

بعكش = فتش = ابحث = دور

بسكليت = يعني دراجة

موضوع: رد: شوية مصطلحات فلسطنيه... 31/10/2009, 10:03 pm

هههههههههههههههههههههههههه
في منها بعض الكلمات مش بس فلسطيني

في بلاد تانية بتحكي متلنا

ياالله يا اوراق الورد احلى لهجة لهجة الفلسطينية على راسي

يسلمووووو

موضوع: رد: شوية مصطلحات فلسطنيه... 2/11/2009, 2:20 pm

اكيد في بلادعربيه تحكي كلمات مشابه
متل اللاردن وسوريا
وذلك بسبب الجوار والتخالط بين الشعوب
يسلموووووووو يا احلى فلسطينيه

موضوع: رد: شوية مصطلحات فلسطنيه... 2/11/2009, 6:17 pm

مرسي لالك اوراق الورد
والله يطعمنا طلعتها يارب

موضوع: رد: شوية مصطلحات فلسطنيه... 2/11/2009, 10:11 pm

يا رب
مشكوووووور ع المرور
يسلموووووووو

موضوع: رد: شوية مصطلحات فلسطنيه... 1/4/2010, 10:38 am

مشكووووووورة على الكلمات الرائعة
احلى شي الحكي الفلسطيني
امير العشق الله يطعمنا زيارتها انا وياك مع بعض

» مصطلحات المكياج
» مصطلحات خليليه