كيفيه تتعامل الحكام مع الشعوب

صادفنى زجل خفيف الظل

علي لسان الشعر الشعبي المصري احمد فؤاد نجم

وخطر ببالي ان اعرضها عليكم وانتظر التعلقيات::


الرئيس يخاطب شعبه الحبيب:

اياشعبي حبيبي ياروحي يابيبي ياحاطك بجيبي يابن الحلال

ياشعبي ياشاطر ياجابر خواطرياساكن مقابر وصابر وعال

ياواكل همومك يابالع سمومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحالك دا حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كدا باتكال

واحب اللي ينصب واحب اللي يكذب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحل اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تتطبل تهلل تهبل عشان ماتش كوره وفيلم ومقال

واحبط تايد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لوتفكر تقرر تخطط تشغل لي مخك وتفتح جدال

وتبدا تشاكل وتعمل مشاكل وتنكش مسائل وتسال سؤال

وعايز تنور وعايز تتطور وتعمل لي روحك مفرد رجال

ساعتها هاجيبك لايمكن هاسيبك وراح تبقى عبره وتصبح مثال

هابهدل جنابك واذل اللي جابك وهيكون عذابك دا فوق الاحتمال

وامرمط سعادتك واهزء سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

هاتقبل هاحبك هترفض هالبك هاتطلع هاتنزل


هاجيب لك جماااااااااااااااااااااال

احمد فؤد نجم

منقوووووووووووول

اميرة الاحساااااااس